• Addis Ababa
  • Applications have closed

Federal Supreme Court

Addis Zemen Tahsas 18, 2013

ለሁለት ዓመት የሚቆይ የህንጻ ኪራይ አገልግሎት ግዥ የጨረታ ማስታወቂያ

የጨረታ ቁጥር ፌ/ጠ/ፍ/ግ/ጨ/015/2013

የፌደራል ጠቅላይ ፍርድ ቤት ባለው በጀት ለሁለት ዓመት የሚቆይ ለፍርድ ቤት ስራ ምቹ የሆነ ህንጻ በኪራይ በውል ማግኘት ይፈልጋል

የፍርድ ቤቱ ፍላጎት

  • ለፍርድ ቤት ስራ አመቺ የሆነ ህንጻ
  • ለአካል ጉዳተኞች ምቹ የሆነ
  • በቂ ፓርኪንግ ያለው (ለፍርድ ቤቱ ተሽከርካሪዎች፤ ለፍርድ ቤቱ ሰራተኞች ፤ ለባለጉዳይ ተሽከርካሪዎች)
  • አውቶማቲክ ጀነሬተር ያለው
  • ሊፍት ያለው ቢያንስ 2 ሊፍት ያለው
  • በቂ ኮሪዶር መንቀሳቀሻ ያለው
  • ቢያንስ 8 አዳራሾች ያለው፡፡
  • ለተገልጋዮች ለትራንስፖርት ምቹ የሆነ
  • ፍርድ ቤቱ በሚፈልገው ዲዛይን ፓርቲሽኖችን በራሱ ሰርቶና አጠናቆ ማስረከብ የሚችል፡፡

2.ከላይ የተጠቀሰውን ግዥ (ለማቅረብ) ብቃት ያላቸው የህንጻ አከራዮች በታሸገ የጨረታ ሰነድ ለፌደራል ጠቅላይ ፍርድ ቤት ግዥ ቡድን (ዋናው መ/ቤት) እንድታቀርቡ ትጋበዛላችሁ:: ጨረታው የሚከናወነው በኢትዮጵያ ፌዴራላዊ ዴሞክራሲያዊ ሪፐብሊክ መንግሥት የመንግሥት ግዥ አዋጅ በተገለጸው በግልፅ የጨረታ ሥነ ሥርዓት መሠረት ይፈጸማል፡፡ ከላይ የተጠቀሱት ግዥዎች ጨረታው የሚከናወነው ብቁ ከሆኑ አቅራቢዎች ከስራው ጋር አግባብነት ያለው ሆኖ የዘመኑን የታደሰ ህጋዊ የንግድ ስራ ፍቃድ

  • በገንዘብና ኢኮኖሚ ትብብር ሚኒስቴር በመንግስት ግዥና ንብረት አስተዳደር ኤጀንሲ በአቅራቢዎች ዝርዝር የተመዘገቡ ለመሆናቸው የምስክር ወረቀት
  • የተፈረመ የማጭበርበር ድርጊት ላለመፈፀም ቃል መግቢያ ቅፅ
  • የግብር ከፋይ መለያ (TIN) ሠርተፍኬት
  • የተጨማሪ እሴት ታክስ ምዝገባ ሰርተፍኬት
  • በ2012/3 የታደሰ የንግድ ፍቃድ
  • የአገር ውስጥ ገቢ የታክስ ክሊራንስ ይሆናል፡፡

3.ፍላጎት ያላቸው ተጫራቾች የተዘጋጀውን የጨረታ ሠነድ ለመግዛት ከዚህ በታች በቁጥር 7(ሀ) በተገለፀው አድራሻ ለእያንዳንዱ ሎት የጨረታ ሰነዱን የማይመለስ የኢትዮጵያ ብር 200.00 /ሁለት መቶ ብር/ ከፍለው መውሰድ ይችላሉ፡፡ አነስተኛና ጥቃቅን ተቋማት አዋጅ መሠረት የተቋቋሙ አነስተኛና ጥቃቅን ተቋማት ለጨረታው የተዘጋጀውን የጨረታ ሠነድ በአነስተኛ እና ጥቃቅን ተቋማት የተቋቋሙበትን የሕጋዊነት ማስረጃ በማሳየት ያለክፍያ በነጻ ይሠጣቸዋል፡፡

4.የጨረታው ሰነድ የሚላከው ለፌደራል ጠቅላይ ፍርድ ቤት ግዥ ዳይሬክተር(ዋናው መ/ቤት)፣ ፖስታ ሳጥን ቁጥር 6166 አዲስ አበባ፣ኢትዮጵያ ወይም ለፌደራል ጠቅላይ ፍርድ ቤት ግዥ ዳይሬክተር (ዋናው መ/ቤት) ድረስ በመምጣት በተዘጋጀው የጨረታ ሳጥን ውስጥ በማስገባት ይሆናል፡፡

5. ተጫራቾች ከዚህ በታች በተራ ቁጥር 7 «ለ» በተገለጸው አድራሻ ጥር 06 ቀን 2013 ዓ.ም. በ4፡00 ሰዓት ወይም በፊት በተዘጋጀው የጨረታ ሣጥን ውስጥ የጨረታ ሠነዱን ማስገባት ይሆናል፡፡ ተጫራቾች በጨረታው ለመሳተፍ የጨረታ ማስከበሪያ ብር 10,000.00 (አስር ሺህ ብር) አያይዘው ያቀርባሉ፡፡

6. በአነስተኛና ጥቃቅን ተቋማት አዋጅ መሠረት የተቋቋመ ኣነስተኛና ጥቃቅን ተቋማት በጨረታ ማስከበሪያ፣ በውል ማስከበሪያ እና በቅድሚያ ክፍያ ዋስትና ምትክ ተቋማቱን ካደራጃቸው አካል በፌደራል ጠቅላይ ፍርድ ቤት ስም እና የጨረታው አይነት ተጠቅሶ የሚሰጥ የዋስትና ደብዳቤ ተቀባይነት ይኖረዋል፡፡ ዘግይተው የቀረቡ የጨረታ መልሶች ተቀባይነት የላቸውም:: በጨረታው ላይ ለመገኘት በፈለጉ ተጫራቾች ወይም የተጫራቾች ህጋዊ ወኪሎች በተገኙበት በቁጥር 7 «ሐ» በተጠቀሰው አድራሻ ጥር 06 ቀን 2013 ዓ.ም በ4፡30 ሰዓት ይከፈታል ::

7. ሀ/ ሰነዱ የሚሽጥበት አድራሻ ፌደራል ጠቅላይ ፍ/ቤት ግዥ ዳይሬከተር ቢሮ (ዋናው መ/ቤት) ቁጥር 9

ለ ጨረታው የሚቀርብበት አድራሻ ፌደራል ጠቅላይ ፍርድ ቤት ግዥ ዳይሬክተር ቢሮ ቁጥር 9

ሐ/ ጨረታው የሚከፈትበት አድራሻ ፌደራል ጠቅላይ ፍርድ ቤት ግዥ ዳይሬክተር ቢሮ ቁጥር 6

8. የፊደራል ጠቅላይ ፍርድ ቤት በከፊልም ሆነ በሙሉ ጨረታውን የመሰረዝ መብት አለው::

ለበለጠ መረጃ፡- ስልክ ቁጥር +251-111-553400

ፖስታ ሣጥን ቁጥር 6166 አዲስ አበባ

የፌደራል ጠቅላይ ፍርድ ቤት