Federal Public Procurement and Property Disposal Service

Addis Zemen ሐምሌ30፣2012

የጨረታ ማስታወቂያ

የተለያዩ የቁርጥራጭ ብረታ ብረት ዓይነቶች ማለትም ቁርጥራጭ አልሙኒየም እና ስቲል ግልጽ ጨረታ ለመሸጥ የተዘጋጀ የጨረታ ሰነድ ቁጥር PPPDs/NVP-5FBl/1/11/2012 የመንግሥት ግዥና ንብረት ማስወገድ አገልግሎት ንብረትነታቸው የትራንስፖርት ባለስልጣን የሆነ የተለያዩ ቁርጥራጭ አልሙኒየም ጠቅላላ ክብደቱ በግምት 3000 ኪሎግራም፣ የገቢዎች ሚኒስቴር ቁርጥራጭ ብረታ ብረቶች (ብረት የሆነ የመኪና መለዋወጫዎች) በግምት 400 ኪሎ ግራም፣ የፌዴሬሽን ምክር ቤት ቁርጥራጭ ብረታ ብረቶች በግምት 30 ኪሎግራም፣ የሠላም ሚኒስቴር በግምት 500 ኪሎግራም ቁርጥራጭ ብረታ ብረቶች፣ የሐዋሳ ዩኒቨርሲቲ በግምት 1500 ኪሎግራም ቁርጥራጭ ብረታ ብረቶች ባሉበት ሁኔታና ቦታ በጨረታ አወዳድሮ ለመሸጥ ይፈልጋል፡፡ ስለሆነም ተጫራቾች 

ከዚህ በታች የተመለከቱትን ነጥቦች በማሟላት ቀርበው መወዳደር ይችላሉ፡፡ 

  1.  በጨረታው የሚወዳደሩት ተጫራቾች ኢትዮጵያዊ ዜግነት ያላቸው ሆኖ ሠነድ ለመግዛት ሲመጡ ይህንኑ የሚያረጋግጥ ሰነድ ወይም መታወቂያ ይዘው መቅረብ ይኖርባቸዋል፡፡ 
  2. በገንዘብ ሚኒስቴር ቁጥር 2 ግቢ ውስጥ በሚገኘው የመንግሥት ግዥና ንብረት ማስወገድ አገልግሎት ሕንፃ ቁጥር 5 ቢሮ ቁጥር 110 በመምጣት የቁርጥራጭ ብረታብረቶችን ዝርዝር መረጃ፣ የተጫራቾች መመሪያ እና የዋጋ ማቅረቢያ ቅጽ የያዘ ሰነድ የማይመለስ ብር 30.00 /ሠላሳ ብር ከፍለው መውሰድ ይችላሉ፣ 
  3.  ተጫራቾች ሰነድ ገዝተው ማስታውቂያው ከወጣበት ቀን ጀምሮ ዘወትር በሥራ ቀናት ከጠዋቱ 2፡00 እስከ 9፡30 ሰዓት ባለው ጊዜ ውስጥ ለሽያጭ የቀረቡ ቁርጥራጭ ብረታ ብረቶችን ከላይ በተጠቀሰው መ/ቤት በመሄድ መመልከት ይችላሉ፣ 
  4. ተጫራቾች ለሚወዳደሩባቸው ለእያንዳንዱ መ/ቤት የቁርጥራጭ ብረታ ብረት ዓይነት ማለትም ለትራንስፖርት ባለስልጣን ቁርጥራጭ አልሙኒያም ብር 18,600.00 ፣ለገቢዎች ሚኒስቴር ቁርጥራጭ ብረታ ብረቶች ብር 320.00 ፣ ለፌዴሬሽን ምክር ቤት ቁርጥራጭ ብረታ ብረቶች ብር 90.00 ፣ ለሠላም ሚኒስቴር ቁርጥራጭ ብረታ ብረቶች ብር 500.00 እና ለሐዋሳ ዩኒቨርሲቲ ቁርጥራጭ ብረታ ብረቶች ብር 2,250.00 የጨረታ ማስከበሪያ በባንክ በተረጋገጠ ሲፒኦ ከጨረታ ሰነዱ ጋር በማያያዝና በታሸገ ኤንቨሎፕ በማድረግ በመንግሥት ግዥና ንብረት ማስወገድ አገልግሎት ቢሮ ቁጥር 213 ለዚሁ በተዘጋጀ የጨረታ ሳጥን ውስጥ ጨረታ ከመዘጋቱ በፊት ማስገባት ይኖርባቸዋል፡፡
  5. የጨረታው መገምገሚያ መስፈርቱ ዋጋና የተሟላ የጨረታ ማስከበሪያ ዋስትና (ሲፒኦ) እንዲሁም በሰነዱ የተገለጹትን አሟልቶ መገኘት ነው። 
  6. ከላይ በተራ ቁጥር 4 የተገለጸውን የጨረታ ማስከበሪያ ዋስትና ያላስያዘ እና በሰነዱ የተቀመጡ ሌሎች ነጥቦችን ያላሟላ ተጫራች ከጨረታው ውድቅ ይደረጋል፡፡
  7. የሚዘጋጀው የጨረታ ማስከበሪያ ሲፒኦ ከአዲስ አበባ ከተማ ውጪ ከሆነ ከኢትዮጵያ ንግድ ባንክ ቅርንጫፎች ብቻ መሆን ይኖርበታል፣ 
  8. የጨረታ ሳጥኑ ጨረታው በጋዜጣ ከወጣበት ቀን ጀምሮ በ18 ኛው ቀን ከጠዋቱ በ4፡00 ሰዓት ተዘግቶ በዚያኑ ቀን በ4፡15 ሰዓት ተጫራቾች ወይም ሕጋዊ ወኪሎቻቸው በተገኙበት በመንግሥት ግዥና ንብረት ማስወገድ አገልግሎት መሰብሰቢያ አዳራሽ ይከፈታል፡፡ ሆኖም የመክፈቻ ቀኑ ቅዳሜና ዕሁድ ወይም የበዓላት ቀን ከዋለ በሚቀጥለው የሥራ ቀን ይሆናል። እንዲሁም ተጫራቹ በራሱ ምርጫ ጨረታው በሚከፈትበት ጊዜ ሳይገኝ ሲቀር የጨረታውን መከፈት አያስተጓጉልም፡፡
  9. አሸናፊ ተጫራቾች የአሸናፊዎች ዝርዝር ማስታወቂያ ሰሌዳ ላይ ከተለጠፈበት ቀን ጀምሮ በሚቆጠር ከ7 /ሰባት/ ተከታታይ የሥራ ቀናት በኋላ ባሉት 5 /አምስት/ ተከታታይ የሥራ ቀናት ውስጥ የውል ማስከበሪያ የውል ዋጋውን 10 በመቶ በማቅረብ ከአገልግሎቱ ጋር ውል መፈራረምና፣ በጨረታ ሰነዱ የተቀመጠው የእያንዳንዱ የቁርጥራጭ ብረታብረት ዓይነት ግምታዊ ጠቅላላ መጠን ተወስዶ ባሸነፉበት የ ኪሎ ግራም ዋጋ መሰረት ተሰልቶ የቁርጥራጭ ብረታ ብረቱን ጠቅላላ ዋጋ በመንግሥት ግዥና ንብረት ማስወገድ አገልግሎት ስም CPO አዘጋጅተው መከፈል አለባቸው። በተጨማሪም የቁርጥራጭ ብረታ ብረቶቹ ግምታዊ መጠን በርክክብ ወቅት በሚዛን ፕሪንት አውቱ፣ ንባብ ከሚገኘው ትክክለኛ የቁርጥራጭ ብረታ ብረት መጠን ጋር የሚኖረው ልዩነት ታስቦ አሸናፊው ተጫራች ተጨማሪ ከፍያ የሚኖርበት ከሆነ የውሉ ጊዜ ከመጠናቀቁ በፊት በልዩነት የሚኖረውን ሂሳብ መክፈል ያለበት ሲሆን፤ ከአገልግሎቱ ተመላሽ ሊደረግለት የሚገባ ገንዘብ ካለም በትክክለኛው የገንዘብ መጠን ልክ ሲፒኦ አሠርቶ በመምጣትና በመክፈል ቀደም ሲል ግምታዊ መጠኑ ተሰልቶ ያስያዘው የክፍያ ሲፒኦ በአገልግሎቱ ተመላሽ ይደረጋል። 
  10. ተጫራቾች ያሸነፉበትን ቁርጥራጭ ብረታ ብረት በራሳቸው ወጪ በማጓጓዝ፣ የሚዛንና ሌሎች ወጪዎች በመሸፈን ቁርጥራጭ ብረታብረቱ ከሚገኝበት ሥፍራ ቅርብ በሆነ ፕሪንት አውት ማውጣት በሚችል የመንግስት የምድር ሚዛን በማስመዘን ውል በፈረመ በ20 የሥራ ቀናት ውስጥ ቁርጥራጭ ብረታብረቱን በማንሳት ማጠናቀቅ አለባቸው፡፡ 
  11. አገልግሎቱ ባወጣው ጨረታ ሰነድ በስሙ ሳይገዛ የተወዳደረ ማንኛውም ተጫራች ከተገኘ ከውድድር ውድቅ ይደረጋል፡፡
  12. ተጨማሪ ማብራሪያ ካስፈለገ በስልክ ቁጥር- 011-154-04-25 ወይም 011-122-37-08/36 ደውሎ መጠየቅ ይቻላል፣ 
  13. አገልግሎቱ ጨረታውን ለመቀበል ወይም ላለመቀበል የሚችል ሲሆን በማናቸውም ጊዜ ጨረታውን ለመሰረዝ መብቱ የተጠበቀ ነው፣ 

የመንግሥት ግዥና ንብረት ማስወገድ አገልግሎት 

አዲስ አበባ