Mettu University

Addis Zemen ጥቅምት19፣2013

በድጋሚ የወጣ የጨረታ ማስታወቂያ

የግ//ቁጥር Me 10/2013

የመቱ ዩኒቨርሲቲ 2013 የበጀት ዓመት ለተማሪዎች ቀለብ ማብሰያ የሚውል የማገዶ እንጨት በግልጽ ጨረታ አወዳድሮ መግዛት ይፈልጋል።

ስለዚህ መስፈርቱን የምታሟሉ አቅራቢ ድርጅቶች እንድትሳተፉ ተጋብዛችኋል፡፡

የጨረታው መስፈርት ፡-

  1. 2013 የታደሰ የንግድ ስራ ፍቃድና በዘርፉ አግባብነት ያለው ህጋዊ ንግድ ፍቃድ ማቅረብ የሚችል ፡፡
  2. የተጨማሪ እሴት ታክስ ተመዝጋቢነት የምስክር ወረቀት የታክስ መለያ ቁጥር (TIN number ) ማቅረብ የሚችል፡፡
  3. በኤጄንሲው አቅራቢነት ዝርዝር ላይ የተመዘገቡበትን የአቅራቢነት ምዝገባ ሰርተፍኬት ማስረጃ ማቅረብ የሚችል፡፡
  4. የሚፈለገውን የማገዶ እንጨት መቱ ዩኒቨርሲቲ ዋና ግቢ ተማሪዎች ምግብ ቤት ድረስ የማስጫኛ፣ የማውረጃና የትራንስፖርት ወጪዎችን ጨምሮ ማቅረብ የሚችል፡፡
  5. የጨረታ ማስከበርያ ሲፒ 200,000(ሁለት መቶ ሺህ) ብር ለሦስት ወር ጸንቶ የሚቆይ በአገር ውስጥ ባንክ በተረጋገጠ ሲፒኦ ወይም በሁኔታ ላይ ያልተመሰረተ የባንክ ጋራንቲ በመቱ ዩኒቨርሲቲ ስም አዘጋጅቶ ለብቻ በፖስታ በማሸግ ከኦርጅናል ሰነዱ ጋር ማቅረብ የሚችል፡፡
  6. አሸናፊ ተጫራች ያሸነፈበትን ጠቅላላ ዋጋ ቢያንስ አስር ፐርስንት(10%) የመልካም ሥራ አፈጻጸም ዋስትና (የውል ማስከበሪያ) በቅድሚያ ማስያዝ የሚችል፡፡
  7. ተጫራቾች የማገዶውን ዋጋ ከነቫቱ ሞልተው ማቅረብ አለባቸው፡፡ ይህ ካልሆነ የቀረበው ዋጋ ከቫት ጋር እንደ ተሞላ ተደርጎ ይወሰዳል።
  8. የማዶው መረካከቢያ ቦታ በመቱ ዩኒቨርሲቲ ዋና ግቢ የተማሪዎች ምግብ ቤት ይሆናል፡፡
  9. ተጫራቾች የዕቃውን ዋጋ ከጨረታ ሰነዱ ጋር በተሰጠው ስፔስፍኬሽን ላይ በመሙላት የድርጅቱን ማህተምና ፊርማ በሁሉም ገጾች ላይ በማሳረፍ ኦሪጅናልና ኮፒ በማድረግ የጨረታ ማስከበሪያውን በኦሪጅናል ሰነድ ውስጥ አስገብቶ በማሸግ በመቱ ዩኒቨርሲቲ ግዥ አስተዳደር ውስጥ ለዚህ ጨረታ ባዘጋጀው የጨረታ ሳጥን ውስጥ ማስገባት አለበት፡፡
  10. ተጫራቾች ማስታወቂያው ከወጣበት ቀን አንስተው ባሉት ተከታታይ 15 ቀናት መቱ ዩኒቨርሲቲ ዋና ግቢ ከፋይናንስ አስተዳደር የማይመለስ 200.00(ሁለት መቶ) ብር በመከፈል የከፈሉበትን ሰነድ ይዞ ግዥ አስተዳደር ቀርቦ የጨረታውን ሰነድ መዉሰድ ይችላሉ፡፡
  11. የጨረታው ውጤት ጨረታው ተገምግሞ እንዳለቀ በደብዳቤ ለእያንዳንዱ ተወዳዳሪዎች ይገለጻል፡፡
  12. ማንኛውም ተጫራች በመመሪያው ውስጥ የተካተቱ ህጎችን የማክበር ግዴታ አለበት፡፡
  13. በሌላ ተጫራቾች ላይ ተንተርሶ ዋጋ ማቅረብ አይቻልም፡፡
  14. የማገዶው ብዛት ሊጨምርም ሊቀንስም ይችላል፡፡
  15. ዩኒቨርሲቲው የተሻለ አማራጭ ካገኘ ጨረታውን በከፊልም ሆነ ሙሉ በሙሉ የመሰረዝ መብቱ በሕግ የተጠበቀ ነው፡፡

ተጨማሪ መረጃ ቢያስፈልጎት፡ስልክ ቁጥር፡– 0471410505/0471410529

መቱ ዩኒቨርሲቲ