Melkasa Agricultural Research Center

Addis Zemen ሐምሌ30፣2012

የጨረታ ማስታወቂያ

ያገገሉ ልዩ ልዩ የተሽከርካሪ መለዋወጫዎች እና የእግር ብስክሌቶች ሽያጭ

ቁጥር ግጨ 05/2012

በኢትዮጵያ ኢንስቲትዩት የግብርና ምርምር የመልካሳ ግብርና ምርምር ማዕከል ያገለገሉ የተለያዩ የተሽከርካሪ መለዋወጫዎች እና የእግር ብስክሌቶችን ባሉበት ሁኔታና ቦታ በግልፅ ጨረታ አወዳድሮ ለመሸጥ ይፈልጋል።

ስለዚህ ተጫራቾች

ይህ ማስታወቂያ በጋዜጣ ከወጣበት ቀን ጀምሮ ለ15(አስራ አምስት) ተከታታይ የሥራ ቀናት ዘወትር በስራ ሰዓት ከሰኞ እስከ አርብ ከጠዋቱ 2፡00 ሰዓት እስከ ቀኑ 6፡00 ሰዓት ከሰዓት በኋላ ከ7፡00 ሰዓት እስከ 10፡00 ሰዓት ድረስ የጨረታ ሰነዱን የማይመለስ ብር 100.00/አንድ መቶ ብር/ በመክፈል ከአዳማ ወደ አሰላ በሚወስደው መንገድ 17 ኪ.ሜትር በሚገኘው ከመልካሳ ግብርና ምርምር ማዕከል የፋይናንስና ግዢ አስተዳደር የስራሂደትገንዘብ ቤት ሰነዱን በመውሰድ ለጨረታው የመወዳደሪያ ዋጋቸውን በመሙላት በተዘጋጀው የጨረታ ሳጥን ውስጥ የመልካሳ ግብርና ምርምር ማዕከል ግጨ 05/2012 የመጫረቻ ሰነድ ተብሎ በህግና ደንብ መሰረት ታሽጎ መግባት ይኖርበታል። ስለሆነም ተጫራቾች ለጨረታው ማስከበሪያ የሚሆን ብር 5000(አምስት ሺህ) በCPO ወይም በጥሬ ብር ማስያዝ ይኖርባቸዋል። ጨረታው ለ15 ተከታታይ የስራ ቀናት ክፍት ሆኖ በ15ኛው ቀን ከቀኑ 7፡30 ሰዓት የጨረታ ሳጥኑ ታሽጎ በእለቱ 8፡30 ሰዓት ተጫራቾች ወይም ህጋዊ ወኪሎቻቸው በተገኙበት በማዕከሉ የመሰብሰቢያ አዳራሽ በግልፅ ይከፈታል። ጨረታው የሚከፈትበት ዕለት ቅዳሜ እና እሁድ ወይም የባዕላት ቀን ከሆነ የጨረታው መክፈቻ ቀን በሚቀጥለው የስራ ቀናት ይሆናል።

አሸናፊ ተጫራቾች ያሸነፉበትን ገንዘብ አጠቃለው ወዲያውኑ በመክፈል ንብረቶቹን በ10 (አስር) ቀናት ውስጥ የማንሳት ግዴታ አለባቸው እንዲሁም ማዕከሉ ንብረቱ እንዲነሳ ካስቀመጠበት ቀናት በኋላ በንብረቱ ላይ በሚደርሰው ማንኛውም ችግር ማዕከሉ አይጠየቅም። ዘግይተው የሚመጡ ሰነዶች ተቀባይነት የላቸውም። ማዕከሉ የተሻለ ዘዴ ካገኘ ጨረታውን በሙሉም ሆነ በከፊል የመሰረዝ መብቱ የተጠበቀ ነው።

ለበለጠ መረጃ በስልክ ቁጥር 0222250216 ደውለው መጠየቅ ይችላሉ።

በኢትዮጵያ የግብርና ምርምር ኢንስቲትዩት

የመልካሣ ግብርና ምርምር ማዕከል