Sekela Woreda Rural Land Administration and use Bureau

Be'kur Tahsas 19, 2013

የደን ሽያጭ የግልፅ ጨረታ ማስታወቂያ

በአብክመ በምዕ/ጎጃም ዞን በሰከላ ወረዳ ገጠር መሬት አስተዳደርና አጠቃቀም ፅ/ቤት ስር የተቋቋመው ደን ሽያጭ ኮሚቴ በሰከላ ወረዳ ሴክተር መስሪያ ቤቶች ግቢ ውስጥ እና በባህርዛፋ ቀበሌ ልዩ ስሙ ቻጓን ተብሎ በሚጠራው ቦታ ላይ ተተክሎ የሚገኘውን የለማ የተቋማትና የማኅበረሰብ ደን ሽጦ ለመንግስትና ለማኅበረሰብ ጥቅም ለማዋል ይፈልጋል፡፡

በመሆኑም

  • ሎት1 የተቋማት ጽድ ደን እና
  • ሎት2 የቻጓን የፅድ ደን በመስኩ ህጋዊ የንግድ ፈቃድ ላላቸው ገዥዎች በግልፅ ጨረታ አወዳድሮ መሸጥ ይፈልጋል፡፡ ስለሆም፡-
  1. በመስኩ እና በ2013 ዓ.ም የታደሰ የንግድ ስራ ፈቃድ፤ የግብር መክፈያ መለያ ቁጥር ያላቸው እና የዘመኑን ግብር አጠናቀው የከፈሉ ለመሆናቸው ከገቢዎች ፅ/ቤት ማስረጃ ማቅረብ የሚችሉ
  2. የሚሞሉት ዋጋ ብር 2000 ሽህ ብር እና በላይ ከሆነ የቫት የምዝገባ የምስክር ወረቀት ያላቸው፣
  3. ተጫራቾች የሚጫረቱበትን የደን ዓይነት ለመግዛት የሞሉበትን ዋጋ 10 በመቶ የጨረታ ማስከበሪያ /ቢድ ቦንድ/ በባንክ ክፍያ ማዘዣ ወይም በጥሬ ገንዘብ ማስያዝ ይኖርባቸዋል፡፡ የጨረታ ማስከበሪያውን ለቻጓን የማኅበረሰብ ደን ከሆነ ለሰከላ ወረዳ ገጠር መሬት አስተዳደርና አጠቃቀም ፅ/ቤት እንዲሁም ለተቋማት ደን ከሆነ ለሰከላ ወረዳ ገንዘብና ኢኮኖሚ ትብብር ፅ/ቤት በማለት ማቅረብ አለባቸው፡፡ የጨረታ ማስከበሪያው ለእያንዳንዱ ሎት ወይም ብሎክ ተለይቶ መቅረብ ይኖርበታል፡፡
  4. እያንዳንዱ ዋጋ የሚሞላው በነፃ ገበያ ላይ የተመሰረተ መሆን ይኖርበታል፡፡
  5. የተዘጋጀውን የመጫረቻ ሰነድ ጨረታውን ካወጣው ከሰከላ ወረዳ ገጠር መሬት አስተዳደርና አጠቃቀም ፅ/ቤት በመገኘት ብር 50 ብቻ ከፍሎ ጨረታው ከወጣበት ከ19/04/2013 ዓ.ም እስከ 08/05/2013 ዓ.ም 11:00 ድረስ ብቻ መግዛት ይቻላል፡፡
  6. ለጨረታ የቀረበውን ደን ማየት የሚፈልጉ ተጫራቾች ለዚሁ ተብሎ በተዘጋጀው የመጫረቻ ሰነድ ላይ ከተገለፀው ቦታ ድረስ በመሄድ ጨረታው ለመጀመሪያ ጊዜ ከወጣበት ቀን ከ19/04/2013 ዓ.ም እስከ 08/05/2013 ዓ.ም ባሉት ቀናት ውስጥ በመሄድ መመልከት ይችላሉ፡፡
  7. ተጫራቾች ኮፒና ኦርጅናል ሰነዶችን ለይቶ በተለያየ ፖስታ በጥንቃቄ በማሸግ እነዚህን 2 ፖስታዎች ከጨረታ ዋስትና ጋር ጨምሮ በተለያዩ 3 ፖስታዎች ሆነው 3ቱንም ለያይቶ በአንድ ትልቅ ፖስታ በአንድ ላይ አድርጎ ከስማቸውና ከአድራሻቸው ጋር የሰከላ ወረዳ ገጠር መሬት አስተዳደርና አጠቃቀም ፅ/ቤት ደን ጨረታ ተብሎ በጉልህ ከተፃፈበት በኋላ ለዚሁ ተግባር በተዘጋጁ የጨረታ ሳጥኖች እንደየ ፍላጎታቸው ለቻጓን የማኅበረሰብ ደን ወይም የተቋማት ደን ብለው በመለየት በተዘጋጁ ሳጥኖች እስከ 09/05/2013 ዓ.ም 3፡30 ማስገባት ይኖርባቸዋል፡፡
  8. ለቻጓን ደን ተወዳዳሪዎች ጨረታው የሚከፈተው በ21ኛው ቀን በ09/05/2013 ዓ.ም በ3፡30 ታሽጎ በዚሁ ቀን 4፡00 ይከፈታል፡፡ ለተቋማት ደን ደግሞ ጨረታው በዚሁ ዕለት ከሰዓት በኋላ በ8፡00 ታሽጎ በዚሁ ዕለት በ8፡30 ይከፈታል፡፡ ለሁለቱም ጨረታዎች የመክፈቻ ቀኑ የበዓል ቀን ከሆነ በሚቀጥለው የስራ ቀን በተመሳሳይ ሰዓት ታሽጎ በተመሳሳይ ሰዓት ይከፈታል፡፡
  9. ለጨረታው የሚቀርበው ዋጋ መግለጫ ስርዝ ድልዝ የሌለበት ሆኖ በተጫራቹ በራሱ ወይም በህጋዊ ወኪሉ አማካኝነት ተሞልቶና ተፈርሞ ማህተም ተደርጎበት መቅረብ ይኖርበታል፡፡ ስርዝ ድልዝ ካለው ዋጋውን በሞላው ሰው ፓራፍ መደረግ ይኖርበታል፡፡
  10. ተጫራቹ አሸናፊ መሆኑ ከተገለፀለት እስከ 15 ተከታታይ ቀናት ባለው ጊዜ ውስጥ የዋጋውን 10 በመቶ የስራ አፈፃፀም ዋስትና በማስያዝ ቀርቦ ውሉን ይፈርማል፡፡ አሸናፊነቱ ተገልፆለት ቀርቦ ውል ያልፈፀመ ተጫራች ያስያዘው የጨረታ ማስከበሪያ ይወረስበታል፡፡ ተጨማሪ ጉዳት ካደረሰም በህግ ሊጠየቅ ይችላል፡፡
  11. አሸናፊው ተጫራች አሸናፊነቱ ተገልፆለት ውል ከፈረመ በኋላ ሙሉውን የሮያሊቲ ክፍያ እንደፈፀመ የአሸነፈውን ደን ይረከባል፡፡
  12. አሸናፊው የሚለየው በእያንዳንዱ ሎት ነው፡፡
  13. መ/ቤቱ የተሻለ አማራጭ ካገኘ ጨረታውን በከፊልም ሆነ በሙሉ የመሰረዝ መብቱ የተጠበቀ ነው፡፡
  14. ለተጨማሪ መረጃ በስልክ ቁጥር 0582590220 በመደወል መጠየቅ ይቻላል፡፡

የሰከላ ወረዳ ገጠር መሬት አስተዳደርና አጠቃቀም ፅ/ቤት