• Amhara

Merekeb Farmers' Cooperative Union

Be'kur Jan25,2021

ለመጀመሪያ ጊዜ የወጣ የመኪና መለዋወጫ ግዥ የጨረታ ማስታወቂያ

መርከብ ሁለገብ የገበሬዎች የህብረት ስራ ማህበራት ዩኒየን/ኃ.የተ// የተለያዩ የመኪና መለዋወጫዎችን በበኩር ጋዜጣ በግልፅ ጨረታ አወዳድሮ ለመግዛት ይፈልጋል፡፡ ስለዚህ የሚከተሉትን መስፈርቶች የሚያሟሉ ተጫራቾች መወዳደር የሚችሉ መሆኑን ይጋብዛል፡፡

  1.  በዚህ የንግድ ዘርፍ/ዘርፎች/ ህጋዊ ንግድ ፈቃድ ያላቸው፣
  2. የግብር ከፋይነት ምዝገባ ሰርቲፊኬት/ቲን/ ማስረጃ ማቅረብ የሚችሉ፡፡
  3. . ተጫራቹ የሞላው የአንዱ ወይም በጥቅል/ሎት/የሚገዛው እቃ ዋጋ ብር 200 ሺህ እና ከዚህ በላይ ከሆነ ተጫራቹ የቫት ተመዝጋቢ መሆኑን የሚያረጋግጥ የምስክር ወረቀት ማቅረብ አለበት፡፡ይህ ማለት ግን በአንድ ማስታወቂያ ለወጡ አጠቃላይ ግዥዎች አለመሆኑ መታወቅ አለበት፡፡
  4. ተጫራቾች በጨረታ ለመሳተፍ ከላይ በተራ ቁጥር 1-3 የተጠቀሱትንና የሚመለከታቸውን ማስረጃዎች ፎቶ ኮፒ ማቅረብ አለባቸው፡፡
  5. ጨረታው በጋዜጣ ከወጣበት ቀን ጀምሮ ለአስር/10/ተከታታይ የስራ ቀናት በአየር ላይ ይውላል፡፡ የሚዘጋው በ10ኛው ቀን ከቀኑ 8፡00 ሲሆን የሚከፈተው ከቀኑ 8፡30 ተጫራቾች ወይም ህጋዊ ወኪሎቻቸውበሚገኙበት በዩኒየኑ ቢሮ ሲሆን መገኘት የማይችሉ ቢኖሩ ጨረታውን ከመከፈት አያግደውም፡፡ቅዳሜ እስከ 6፡30 የዩኒየኑ የስራ ቀን መሆኑ መታወቅ አለበት፡፡
  6. በዋጋ ማቅረቢያው ላይ የተጫራቹን ስም እና አድራሻ በመፃፍ ለመርከብ ሁለገብ የገ/የህ/ስራ ማህበራት ዩኒየን ተብሎ በጉልህ ከተፃፈ በኋላ በተሰጠው የጊዜ ገደብ ውስጥ ዩኒየኑ ለዚሁ ባዘጋጀው ጨረታ ሳጥን ውስጥ ከመክፈቻው ቀንና ሰዓት በፊት ማስገባት ይኖርበታል፡፡
  7. ማንኛውም ተጫራች የጨረታ ሀሳቡን በፖስታ አሽጎ በመርከብ ዩኒየን ቢሮ በተዘጋጀው ሳጥን ውስጥ ጨረታው በበኩር ጋዜጣ ከወጣበት ቀን ጀምሮ ባሉት አስር /10/ተከታታይ የስራ ቀናት እስከ 8፡00 ድረስ ማስገባት ይችላሉ፡፡
  8. ተጫራቾች ሁሉንም የመለዋወጫ አይነቶች ዋጋ መሙላት እና መወዳደር ይጠበቅባቸዋል፡፡ የተወሰኑትን የመለዋወጫ ዓይነቶች ብቻ መርጦ የሚወዳደር ተጫራች ከውድድር ውጭ ይሆናል፡፡
  9. መለዋወጫ ግዥው በ20 በመቶ ሊጨምር ወይም ሊያንስ ይችላል፡፡
  10. የመለዋወጫ ግዥው የጥራት ሁኔታ በጨረታ ሰነዱ ላይ ያሉትን የሚያሟላ መሆን አለበት፡፡
  11. አሸናፊ የሚለየው በተናጠል ዋጋ ይሆናል፡፡
  12. ተጫራቾች የመለዋወጫ ግዥውን የጨረታ ሰነድ የማይመለስ ብር 50.00/ሀምሳ ብር/ በመክፈል ቢሮ ቁጥር 106 ማግኘት ይቻላል፡፡
  13. ተወዳዳሪዎች በባንክ የተረጋገጠ 2 በመቶ የጨረታ ማስከበሪያ ሲፒኦ በሁኔታዎች ላይ ያልተመሰረተ የባንክ ጋራንቲ ወይም በጥሬ ገንዘብ ከሆነ ጥሬ ገንዘቡ በዩኒየኑ የገቢ ደረሰኝ ገቢ ተሰርቶ የገቢ ደረሰኙ ፎቶ ኮፒ ከላይ በተገለጹት በአንዱ አሰርተው ከፖስታው ውስጥ ታሽጎ ማቅረብ ይኖርባቸዋል፡፡
  14. የጨረታው አሸናፊ በጨረታ ማሸነፉ ከተገለጸበት ቀን ጀምሮ ባሉት 5 ተከታታይ የስራ ቀናት ውስጥ አሸናፊው የውል ማስከበሪያ ተቀባይነት ባላቸው የዋስትና ዓይነቶች የውሉን ዋጋ 10 በመቶ /አስር በመቶ/ በማስያዝ ውል መፈጸም አለበት፡፡
  15. አሸናፊው የተገዙ የመለዋወጫ እቃዎችን በራሱ ትራንስፖርት የሚያቀርብ ሲሆን ለማስጫኛ እና ለማራገፊያ ወጭ እራሱ ያሸነፈው ተጫራች የሚሸፍን ይሆናል፡፡
  16. ድርጅቱ የተሻለ መንገድ ካገኘ ጨረታውን ሙሉ በሙሉ ወይም በከፊል የመሰረዝ መብቱ በህግ የተጠበቀ ነው፡፡
  17. ስለመለዋወጫ ግዥዎች እስፔሲፊኬሽን መጠንና ዝርዝር ሁኔታ ከጨረታ ሰነዱ ላይ በተገለጸው መሰረት ይሆናል፡፡

መርከብ ሁለገብ የገበሬዎች የህብረት ስራ ማህበራት ዩኒየን/ኃ.የተ//